Vedaag op ’n 27st’n van den elfd’n moand.

Opperdar TONNIE 1 der Thijdarren,

Heerser oawer nen heel’n Thij
Beskèrmproater bie Defensie
Kroegloper bie nen Engel,
Festmaker en bloaser op brulft’n,

Bie de gratie van’t kopbestuur van de Thijdarr’n
en ziene deurluchtigheid Vorst Peter met ziene doarn Road van Elf kossen tot

‘n 35sten
Hoogheid van ’t Darrenvolk

Doot oe hierbie kond;

1.Dat er dit joar wod regeert met veul plezeer.
2.Dat nen Hoogheid en Sik hun hoflied zult loaten hör’n.
3.Dat ’t proosten bie de Thijdarren vanaf noe anders geet.
4.Dat dis’n Hoogheid en Sik nogal dörstig bint.
5.Dat wie as breurs zult we’n, noar oonze zustervereniging’n.
6.Dat nen Boeskoolstad twee döll’n rieker is wod’n.
7.Dat wie op’n Thij zo’n geweldigen carnaval viert, dat den Oal’n Griez’n zal tril’n.
8.Dat dis’n Hoogheid en Sik ook met carnaval zölt bliem’n fitness’n.
9.Dat mien Sik op rosenmontag weer ’n joar older wod en daw dat zult vier’n.
10.Dat carnaval in ons blood zit omdat wie in boeskoolstad bint geboor’n.
11.Dat wie dit joar nen geweldigen carnaval viert onder oonze liefsprök:

Leu doot onwies oe best,
Dan zorgt wie veur de rest!